Ötən dörd gündə Qəbələ, Şəki və Zaqatala rayonları ilə tanış olan, tarixi abidələrə, turizm obyektlərinə, istehsal müəssisələrinə ekskursiya edən Biləsuvar, Kürdəmir, Hacıqabul, Saatlı, Sabirabad, Zərdab, Ucar, Xocavənd, Laçın, Xocalı, Kəlbəcər məktəbliləri arasında “Nə? Harada? Nə zaman?” adlı intellektual oyun keçirilib.

AZƏRTAC xəbər verir ki, Qəbələdə “Qafqaz Karvansaray” otelində təşkil edilən oyunda məktəblilər biliklərini nümayiş etdiriblər.

Yarış gərgin mübarizə şəraitində keçib. Oyunun nəticələrinə görə Kürdəmir məktəbliləri 1-ci, Zərdab şagirdləri 2-ci, Ucar komandası isə 3-cü yerə layiq görülüb. Qaliblərə kubok, medal və sertifikatlar təqdim olunub.