Tapmacalar

Tərəvəzlər haqqında tapmacalar

 

Alaca,ha bulaca,
Səpdirmişəm yamaca.
Düz dırmaşar ağaca. 

(Cavab: Lobya)

 

 

 

 

 

 

Anaxanım atlandı,
Qol qanadı qatlandı.

(Cavab: Kələm)

 

 

 

 

 

 

 

 

 

Bağda bitər tağı yox,
Ha sıxarsan yağı yox.

(Cavab: Bibər)

 

 

 


 

 

 

Bostanda var gombul kosa,
Üstü bozdu, içi xasa,
Əzsən dolar qanlı kasa. 

(Cavab: Çuğundur)

 

 


 

Bir balaca mil daşı,
Yandırır dağı-daşı. 

(Cavab: İstiot)

 

 

 

 

 

 


Bir toyuğum var,
Yer altında yumurtlar. 

(Cavab: Kartof)

 

 

 

 

 

 

Dağdan atsan əzilməz,
Bir yumruğa dözəmməz. 

(Cavab: Soğan)

 

 

 

 

 

 

 

 

Ləyəndə, ay ləyəndə,
Gül boynunu əyəndə.
Yeyirlər kal vaxtında,
Yemək olmaz dəyəndə. 

(Cavab: Xiyar)