Dront
Təqribən 400 il əvvəl holland gəmisi Hind okeanında olan Mavriki adasının sahillərinə yan aldı. Onlar adada hind toyuğu boyda çoxlu quş gördülər. Bu quşların qanadları çox kiçik idi və onlar uça bilmədiklərinə görə adada sürü ilə gəzirdilər. Dənizçilər bu quşları “dodo” adlandırırdılar- bu, portuqal dilində “səfeh” deməkdir.
Quşun digər adı drontdur. Çox keçmədi ki, insanlar adaya donuz və siçovullar gətirdilər. Bu heyvanlar drontların yumurtaları və balaları ilə qidalanmağa başladılar. Nəticədə 1660-cı illərdə bu quşların nəsli tamamilə kəsildi.
19.12.2018