İnciçiçəyi
İri ağacların kölgəsində, sıx otların arasında bir çiçək gizlənir. Onun itiuclu iki böyük oval yarpağı, yarpaqlarının arasında isə üzərində zınqırova oxşayan bir neçə kiçik ağ çiçəkdən ibarət uzun nazik zoğu var. Bu, inciçiçəyidir. Onun çiçəklərini və yarpaqlarını dərhal tanıyacaqsınız. Lakin bu çiçəyi xoşlayanlar, yaxud ondan dəstə bağlayanlar heç də bilmirlər ki, inciçiçəyinin giləmeyvələri olur: iri, qırmızı rəngli əsl giləmeyvələr. Bu giləmeyvələr gözlə yaxşı seçilir, lakin adamlar inciçiçəyini ancaq yazda yığdıqları üçün meyvəsinə təsadüf etmirlər. Axı, bu bitki yazda açır, onun meyvələri isə yayın axırlarında əmələ gəlir. Onlar çiçəyin özü kimi zəhərlidir. İnciçiçəyi xoşətirli gözəl çiçək olması ilə bərabər, həm də dərman bitkisidir. Onun zəhərli şirəsindən ürəyi xəstə olan adamlar üçün dərman hazırlayırlar.
25.07.2019