Tapir- donuza bənzəyən, təkdırnaqlılar dəstəsinin Tapirkimilər fəsiləsinin tapir cinsinə aid olan otyeyən məməli heyvan növüdür.
Növündən asılı olaraq, müxtəlif ölçüyə sahib olurlar, orta uzunluğu təxminən 2 m, quyruğunun uzunluğu 7-13 sm, hündürlüyü 1 m, çəkisi isə 110 - 300 kq təşkil edir.
Tapir otyeyən heyvandır. Meşələrdə meyvə, yarpaq və giləmeyvə yeyirlər. Əlavə olaraq, tapirlər yosun ilə də qidalanır: yaxın bir su hövzəsi varsa, bu heyvanlar burada çox vaxt sərf edirlər. Suda qidalanır, yırtıcılardan beləcə qorunub gizlənirlər.
Təbii yaşayış mühitində tapir 30 il yaşayır.
04.11.2019