Həyat tərzinə görə anqutlar qaqarları xatırladır. Onlar da su quşlarıdır. Anqutlar da qaqarlar kimi çox gözəl üzür və suya baş vurur, ancaq torpaq üzərində demək olar ki, gəzə bilmirlər. Çünki ayaqları xeyli arxada yerləşir. Görünür, anqutlar öz adlarını yeyilməyən, bərk və balıq iyi verən ətlərinə görə almışlar. Anqutlar əsasən balıqla qidalanırlar.

Anqutların zahiri görünüşündə boyunlarındakı kürən “yaxalıq” başlarındakı iki dəstə lələk-“quraqlar” diqqəti cəlb edir. Onlar çay və göl kənarlarında, qarğı və qamışlıq arasında yuva tikirlər. Artım dövrünün əvvəlində anqutlarda çox maraqlı nikah oyunları baş verir. Quşlar bir-birinin qarşısına üzərək, boyunlarını uzadıb, “qulaqlarını” və “yaxalıqlarını” qaldırır, hətta bir-birinə bitki parçalarını hədiyyə edirlər.

Anqutlar yuvaya 3-4 yumurta qoyur və hər iki valideyn kürt yatır.

Su altında anqutlar ancaq ayaqlarının köməyi ilə hərəkət edir. Anqutlar avar çəkdikcə, onların ayaqları dövri hərəkət edir. Bu quşlar 1-2 m dərinliyə baş vuraraq, suyun altında 30-40 saniyə qala bilirlər.