Gerenuk və ya zürafə ceyranı — uzun boyunlu Afrika antilopudur. Elm adamları belə qeyri-adi bir adın ehtimal olunan mənşəyini məhz Somalinin "Garanoq" sözü ilə əlaqələndirirlər. Xarici görünüşcə bu növü digər antiloplardan ayırd etmək çox asandır: belə ki, gerenuk incə və uzun boyunu və uzun ayaqları ilə seçilir.

Hündürlüyü 95 sm, çəkisi isə 35-52 kq arasında olur. Dərinin üst tərəfində qırmızı-qəhvəyi və yanlarda çəhrayı rəng çalarları var. Açıq ağ bir xətt demək olar ki, aşağı gövdəni ayırır. Göz ətrafındakı ağ ləkələr ağzına doğru uzanır. Yalnız erkəklərin buynuzları var, lakin buynuzları sadəcə 30 sm-dir və qısadır. Onların forması bükülmə istiqamətində dəyişir və irəliləyir.

Gerenukun yayılma arealı ərazisi Efiopiya və Somali torpaqlarından Tanzaniyanın şimalına qədər olan əraziləri əhatə edir. Tarixi zamanlarda Gerenuklar Sudan və Misirdə yaşayırdı, lakin orada uzun müddət aradan qaldırıldı. Gerenukun yaşayış sahələri, əsasən quru sahələrdir. Quru və nisbətən nəm çöllərdə alp çəmənlikləri, düzənliklərdə və dağlarda, 1800 m-ə qədər hündürlüyü olan dağlarda yaşaırlar. 

O, dəvə kimi uzun müddət susuz yaşaya bilir. Gerenukun vətəni olan Somalidə onu ovlamır, ovlamaq niyyəti ilə saatlarla qovmur, izləmir, incitmirlər.

Dişi gerenuklar bir il müddətində yetkinliyə çatır, azad gəzib-dolaşırlar. Erkək generuklar isə buynuzlu başlarını analarının yanında gizlədə-gizlədə 2-3 il analarından  ayrılmaya bilərlər. Elə buna görə də onlar gec-gec dünyaya gəlir, təbiətin nadir heyvanına çevrilirlər. Generuklar cəmi 10-12 il yaşayırlar.