Ukraynanın mərkəzi hissəsində, Dnepr çayının sahilində şimaldan cənuba 50 kilometr, qərbdən şərqə isə 56 kilometr uzanan ərazidə yerləşir. Əhalisinin sayına görə Avropada yeddinci şəhərdir. Əfsanəyə görə, adını şəhərin baniləri hesab edilən üç qardaşdan ən böyüyü Kiyin adından götürüb. Başqa bir fərziyyəyə görə, şəhərin əsası qədim türklər tərəfindən qoyulub və adı qədim türk dilində “ki” yəni “iki”, “yev” yəni “ev” sözlərinin birləşməsindən yaranıb.

 

Tarixi boyu Kiyev Rusiyasının, Kiyev knyazlığının, Ukrayna Xalq Respublikasının, Ukrayna Dövlətinin, Ukrayna Sovet Sosialist Respublikasının, 1991-ci ildən isə müstəqil Ukraynanın paytaxtı olub. Ərazisi 10 rayona bölünüb. Əhalisi 3,2 milyon (2009) nəfərdir.