Adamda yox,
İnsanda var,
Aləmdə yox,
Cahanda var.

Cavab:Nöqtə

***

Ağ çala qara toxum,
Əlim ilə əkərəm,
Dilim ilə biçərəm.

Cavab:Yazı

***

Ağ çöldə qara toyuq.

Cavab:Səhifə və yazı

***

Ağ köşəndə yer şumlayıram.

Cavab:Kağız üstündə yazı

***

Ağ üstündə qaralar,
Bir-birini qovalar.

Cavab:Yazı

***

Ağca atı nalladım, 
Səmərqəndə yolladım.

Cavab:Məktub

***

Ağzı birdi, dili mindi,
Gah belə deyir, gah elə.

Cavab:Qələm

***

Anada var, atada yox,
Nuxada var, Bakıda yox.

Cavab:"N" hərfi

***

Araxçınım var atlas,
Ataram suya batmaz.

Cavab:Kağız

***

Bakıda bişər,
Şəkidə düşər.

Cavab:Məktub

***

Bir qapağı,
Min yarpağı.

Cavab:Kitab