Bakı, 28 noyabr, AZƏRTAC

Azərbaycan Dövlət Musiqili Teatrı həftəsonu balaca və rusdilli tamaşaçılarına maraqlı səhnə əsərləri izləmək imkanı yaradacaq. 

AZƏRTAC xəbər verir ki, dekabrın 2-də saat 12.00-da uşaqlar üçün “Bremen musiqiçiləri və Pen” nağıl-tamaşası təqdim olunacaq.

Dekabrın 3-də saat 12.00-da isə balacalar “Bir dayan, canavar!” adlı səhnə əsərini rus dilində izləyə biləcək. 

Biletləri şəhərin bütün teatr-konsert kassalarından və “ASAN xidmət” mərkəzlərindən əldə etmək olar.