Səhər ana oğluna dedi:

- Tez geyin! Bu gün günəş işıq saçır, gəzintiyə çıxacağıq!

Elə ana bunu demişdi ki, səmada bulud göründü. Ana yenidən dedi:

- Yox, evdə qalsaq yaxşıdır, birdən yağış yağar.

Uşaq buluddan incidi, qəzəbli səslə ona dedi:

- Çıx get, bulud! Sən mənim gəzməyimə mane olursan!

Bulud aşağı endi, pəncərədən oğlana baxdı və dil açıb ona dedi:

- Səmada gəzmək istəyirsən? Səni üstümə mindirib, hər yanı gəzdirə bilərəm!

Uşaq çox sevindi, pəncərəni açıb buludun üstünə tullandı.

Uşaq evlərin damlarının, küçələrin, maşınların üzərində sanki üzürdü və hamısının istəyini eşidirdi:

- Bulud, bizi tez yu! Tozla örtülmüşük, amma hələ də yağış yoxdur.

“Yaxşı,” - bulud dedi, - və hamısının üzərinə biraz su çilədi.

Evlərin, küçələrin və maşınların damları təmizləndi və artıq parıldayırdılar. 

Şəhərdən kənarda bir tarla var idi. Bulud tarlanın üstündə gəzməyə başladı. Oğlan orada çox sayda sarı sünbül gördü, onlar da dil açıb dedilər: 

- Bizə içməyə su ver, bulud! Yağışsız toxum yetişdirə bilmərik. Taxıl olmasa, o zaman insanlar çörəksiz qalarlar!

“Oldu”- bulud razılaşdı və sünbüllərin üzərinə yağış yağdırdı.

Qızıl başlı sünbüllər başlarını yuxarı qaldırdı və içlərindəki dənlər dərhal güclənib böyüdü.

Bulud daha irəli uçdu. Sahənin kənarında bir gölməçə var idi.

- Mənə su tök, bulud, - deyə gölməçədən səs gəldi. - Mən tamamilə qurumuşam, balıqlarım nəfəs ala bilmir və susuz üzə bilmirlər.

“Oldu,” - bulud məmnuniyyətlə razılıq verdi.

Sonra o qədər güclü yağış yağmağa başladı ki, gölməçə ağzına qədər doldu. Balıqlar sevindilər və qıvrıldılar, qurbağalar şən nəğmələr səsləndirməyə başladılar. Yalnız bulud kiçilərək azaldı və oğlana dedi:

- Tam ərimədən qayıtmağın vaxtı gəldi.

Uşaq evə qayıtdı və anası ona dedi:

- Yağış bitdi, günəş yenidən parlayır, artıq gəzintiyə çıxa bilərik!

"Bilirəm ana, buludun üzərində uçdum və yağışın hamıya necə kömək etdiyini gördüm" deyə oğlan cavab verdi.

- Buludun üzərində uçmaq mümkündürmü? Bulud yumşaqdır və tüstüyə bənzəyir ”anası oğlunun dediyinə inanmadı.

Sizcə, bulud üzərində uçmaq mümkündürmü?