Mən yalan danışmaram,

Mən doğruçu oğlanam.

Bunu hamıdan yaxşı

Bilir qardaşım, anam.

Anam soruşur: -Həsən,

Konfeti sən yemisən?

-Mən yemişəm, anacan,

Nə üçün deyim yalan?

Qardaşım deyir: -Həsən,

Qələmi götürmüsən,

Döşəməyə vurmusan, 

Ucunu sındırmısan?

-Bilməmişəm, vurmuşam,

Bəli, mən sındırmışam.

Bacım deyir: -Bilmirəm,

Kim  cırıb dəftərimi.

Çantam da yoxa çıxıb,

Axtarmışam hər yeri.

Deyirəm: -Mən cırmışam,

Xəttin gəlmir xoşuma.

Çantanı da atmışam

O dolabın başına.

Atam deyir: -Ay Həsən,

Doğruçu olsan da sən,

Bunun bir xeyri yoxdur, 

Çünki qüsurun çoxdur!