Hökumə Billuri. Qarabağım
Qarabağım,
Qara sözün kim yazmışdır taleyinə?
Ana yurdum,
Gül oylağım!
Bu dünyanın zümrüd tacı,
Niyə oldun sinəmdəki
Çarpaz dağım?
Qara bağım!
Vaqiflərin, Natəvanın,
Üzeyirin, Ulu xanın
Ana yurdu
Yad tapdağı olacaqsa,
Bülbüllərin, turacların,
Məskənində
Bayquşlar yurd salacaqsa,
Sarı bülbül, xarı bülbül
Düşmənlərin olacaqsa,
Mən olmayım!
Qoy kökündən heç olmasın
Bu yurd, yuva!
Qoy olmasın bu el-oba!
23.02.2023
