Teymur Elçin. Tapmacalar
Görənlər bilir;
Götürdüyüm yük
Həmişə olur
Özümdən böyük.
Torpaqda dərin
Yuvam var-sərin.
Özüm çalışqan,
Adım?
(Qarışqa)
Balacayam, sarıyam,
Deməyin ki, darıyam.
Sizə çörək oluram,
Zəmilərin barıyam.
(Buğda)
Xortumu var, fil deyil,
Ömrü heç bir il deyil.
Qanadları zərifdir,
Rəngi də çil-çil deyil.
Sevdiyi gül-çiçəkdir,
Peşəsi işləməkdir.
Ona qonaq gəlsəniz
Bilin, evi pətəkdir.
(Arı)
20.06.2019