Xəbərlər

Çerlidinq üzrə Bakı birinciliyinin qalibləri müəyyənləşib

Bakı, 17 aprel, AZƏRTAC

 

Bakı Şəhər Gənclər və İdman Baş İdarəsi (BŞGİBİ) tərəfindən “Sərhədçi” İdman Olimpiya Mərkəzində çerlidinq üzrə paytaxt birinciliyi keçirilib.

 

BŞGİBİ-dən AZƏRTAC-a bildiriblər ki, uşaqlar və yeniyetmələr arasında keçirilən yarış çir fristayl, çir caz, çir hip hop stillərində olub.

 

Yarışın qalibləri hər intizam və yaş qruplarında idmançıların yığdığı balla müəyyənləşib.

 

İlk üç yeri tutan idmançılar Baş İdarə tərəfindən müvafiq dərəcəli diplom, medal və hədiyyələrlə təltif olunublar.