Xəbərlər

Məktəblilər sığorta mövzusunda maarifləndirilirlər

Bakı, 21 may, AZƏRTAC

 

Bakı Şəhəri üzrə Təhsil İdarəsinin tabeliyindəki 57 nömrəli tam orta məktəbin ibtidai sinif şagirdlərinə sığorta məsələləri ilə bağlı təlimlər keçirilir.

 

“Məktəblinin dostu” layihəsi çərçivəsində reallaşdırılan təlimlərin keçirilməsinin əsas məqsədi şagirdləri sığorta hadisələri baş verdikdə həyata keçirilən tədbirlərlə bağlı maarifləndirmək və sığorta məsələləri barədə onlara ilkin məlumatlar verməkdir.

 

“Sığorta anlayışı və sığorta növləri” mövzusunda maarifləndirici təlimlərdə şagirdlərə tibbi sığorta, mənzil sığortası, avtomobil sığortası anlayışları izah edilir və sığorta prosesinin sənədləşmə qaydaları interaktiv və əyləncəli formada təqdim olunur. Təlimin sonunda şagirdləri maraqlandıran suallar cavablandırılır.