Atalar sözləri

Nizami Gəncəvidən kəlamlar

Bilikli adamlar uzağı görər,
Cahilin zəhməti hədərdir, hədər.

 

Ucalmaq istəsən bir kamala çat,
Kamala ehtiram göstərər həyat.

 

Zəhmətlə açarsan bağlı tilsimi,
Açdın, xəznə çıxar aydın gün kimi.

 

Bu dərya yolunda vardır çox zəhər,
Əziyyət çəkənlər dürr əldə edər.

 

Bir xərabə görsən, qurmağa tələs,
Məsləhət belədir, əməyin itməz.

 

Yamanlıq etməkdən uzaq ol, uzaq,
Pisliyin əvəzi pislik olacaq.

 

Əziyyət eyləsən, cəfa görərsən, 
Mehribanlıq etsən, səfa sürərsən.

 

Yaxşılıq etməsən əgər insana,
Böyüklük şərəfi verilməz sana.

 

Oğul, sözlərimə yaxşı qulaq as,
Ata nəsihəti faydasız olmaz.