Bakı şəhəri, Nəsimi rayonu, 14 nömrəli tam orta məktəbin ibtidai sinif müəllimi Günay Rüstəmovanın rəhbərlik etdiyi 4 Ç sinfi "Cənab leytenant", "İgid əsgər, möhkəm dayan" kimi hərbi vətənpərvərlik mahnılarının müəllifi, tanınmış həkim, şair, bəstəkar Şahin Musaoğlunun həyat və yaradıcılığına həsr olunmuş tədbir keçirib.

Azərbaycan Respublikasının Dövlət Himni ilə başlayan tədbiri məktəbin direktoru Rəfail Hüseynov qonaqları salamlayaraq açıq elan edib. Daha sonra sinif rəhbəri Günay Rüstəmova çıxış edib.

Şagirdlər bəstəkarın şeir, "Cənab leytenant", "İgid əsgər, möhkəm dayan", "Səma şahinləri", "Qvardiya marşı" adlı məşhur türkülərini səsləndirib, həyat və yaradıcılığını əhatə edən çıxışlar ediblər.

Tədbir müəllifin "Zaman bizim zamandır!" şeiri və "And içirik" mahnısı ilə yekunlaşıb. Sonda bəstəkar tədbirlə bağlı təəssüratlarını bölüşüb. Günay müəllimə başda olmaqla bütün pedaqoji kollektivə öz minnətdarlığını bildirib.