Hoatzinlər Amerikanın subtropik meşələrində yaşayan, ən qədim quş növlərindən biridir. 

Hoatzinin ümumi uzunluğu 65 sm, boğazı uzun, dimdiyi və başı kiçikdir. Başının üstündəki pipiyi isə xoruzu xatırladır. 

Onlar yarpaq və meyvələrlə qidalanır, öz yuvalarını adətən çay kənarlarındakı ağaclarda qururlar.  Hoatzin yumurtasının inkubasiya müddəti 28 gündür.

Bir erkək və bir neçə dişi hoatzindən ibarət qruplar şəklində yaşayırlar.

Hoatzinlərin digər maraqlı xüsusiyyəti isə odur ki, onların qanadlarının ucunda caynaqları vardır. Bu caynaqlar bala hoatzilərdə daha çox diqqət çəkir və istifadə olunur. Hoatzinlər caynaqları ilə ağac budaqlarından yapışaraq istədikləri yönə hərəkət edə bilirlər. 

Hoatzinlər böyüdüklərində caynaqlarını çox istifadə etmədikdə caynaqların inkişafı dayanır və yalnız lazım olduqda istifadə edirlər.

Yuvalarına yırtıcı quşların hücumu zamanı dərhal bala hoatzinlər yuvadan uzaqlaşaraq kolluqlarda gizlənirlər.