Son əlavə olunanlar

Mədəni irsimiz

Lənbəran xalçaları

Qarabağ xalçaçılıq məktəbinin yüksək keyfiyyətli xovlu xalça növüdür. Bu xalçalar öz adını Bərdə şəhərindən 30 km şimal-şərqdə yerləşən Lənbəran qəsəbəsinin adından götürmüşdür. Lənbəranda toxunmuş zililər, vərnilər, cecimlər yalnız bizim ölkədə deyil, həm də xaricdə muzey eksponatı hesab edilir. Lənbəran qəsəbəsində çoxlu çuvallar, xurcunlar, yun corablar və digər məişət məmulatları toxunardı.  

Sumax xalçaları

Qarabağ xalçaçılıq məktəbinə aid olan xovsuz xalçaların son əsrlər geniş yayılmış ən maraqlı növlərindən biri "sumax" xalçalarıdır. Sumax xalçalarının əsas vətəni Şirvan sayılsa da sonralar bu xalçalar Urmiyə, Mərənd, Naxçıvan, Cəbrayıl, Laçın bölgələrində də toxunmuşdur. Sumax xalçaları xovlu xalçalardan götürülmüş naxış və kompozisiyalarla bəzədilir. Zili və vərni ilə oxşardır. Lakin burada arğaclar ardıcıl olaraq bir cərgə soldan sağa, bir cərgə isə sağdan sola aparılır.  

Naxçıvan xalçaları

Qarabağ xalçaçılıq məktəbinə aid olan "Naxçıvan xalçaları", başlıca olaraq, Naxçıvanın bütün xalçaçılıq məntəqələrində və o cümlədən, Şahbuzda, Kolanıda, Şərurda, habelə Culfa və Ordubadda istehsal olunur. Naxçıvan şəhəri - Azərbaycanın qədim şəhərlərindən biridir. 

Buynuz xalçası

“Buynuz” adı alan xalçalar Qarabağ tipinə aiddir. Onlar Dağlıq Qarabağın müxtəlif xalçatoxuma məntəqələrində istehsal olunur.

Qoçbuynuz Xanlıq xalçası

Qoçbuynuz Xanlıq xalçası Qarabağ qrupunun xovlu və yun xalça növünün ən maraqlı nümunələrindən biridir. 

Qoca xalçası

Şuşa şəhərinin əski xalçaçıları Qarabağ tipinə aid olan bu xalçalara "Qoca" adını vermişlər.