Abbas Əliabbas oğlu Mehdizadə
Şair, dramaturq, tərcüməçi, Azərbaycan ədəbiyyatında romantizm cərəyanının nümayəndəsi
1874-cü ildə Şamaxıda ruhani ailəsində dünyaya gəlib.
Məşhəd və Tehran şəhərlərində tibb təhsili alıb.1901-ci ildə Şamaxıya dönən Abbas Səhhət rus idarəçilərinin İran mənşəli diplomunu tanımaması səbəbi ilə həkimlik sənətindən uzaqlaşıb.
Məktəblərdə Azərbaycan dili və şəriət dərsləri deyib.1903-cü ildən məqalələri “Şərqi-Rus” qəzetində çap olunub. Professor Əli bəy Hüseynzadənin banisi olduğu Azərbaycan romantik ədəbiyyatı cərəyanına qoşulub (“Füyuzat” jurnalı, 1906-1907-ci illər). M.Y.Lermontov, A.S.Puşkin, İ.A.Krılov, M.Qorki, V.Hüqo, Müsse, Sülli-Prüdom və digər yazıçıların əsərlərini Azərbaycan dilinə tərcümə edib.
Abbas Səhhət Azərbaycanda liberal burjuaziya ideyasını müdafiə edib. Əsərlərində “ümummüsəlman qərbçiliyi” ideyasını dəstəkləyib.1917 və 1918-ci illərdə erməni daşnaklarının Şamaxıya hücumları nəticəsində hər şeyini itirən şair Gəncəyə köçür.
Evinin yanması nəticəsində bir çox əsərləri məhv olur.1918-ci ildə Abbas Səhhət iflic olaraq Gəncə xəstəxanasında vəfat edir və Gəncə qəbiristanlığında dəfn edilir.
Əsərləri
Kasıblıq eyib deyil (2 pərdəli komediya). Bakı, 1912;
Qərb günəşi (tərcümələr toplusu). Bakı, 1912;
Neft fontanı (1 pərdəli komediya). Bakı, 1912;
Azərbaycan dilinin 3 illik tədrisi üçün dərslik. Bakı, 1912;
Sınıq saz. Bakı, 1912;
Cəhalət səmərəsi, yaxud bir yetimin xoşbəxtliyi. Bakı, 1914;
Ədəbiyyat müntəxabatı. Bakı, 1928.
12.09.2014