Vladimir Suteyev. Ərköyün pişik
Balaca qızcığaz masa arxasında oturub şəkillər çəkirdi. Birdən zolaqlı Pişik onun yanına gəldi və Qızın nə etdiyini izləməyə başladı.
- Nə edirsən? - pişik maraq göstərərək qızdan soruşdu.
- Mən sənin üçün ev çəkirəm - qız dedi - Bax bu evin damıdır, bu bacası, bu isə qapısıdır...
- Mən orada nə edəcəm axı?
- Sobanı qızdıracaqsan, sıyıq bişirəcəksən.
Qız evin bacasından çıxan tüstü şəkli də çəkdi.
- Bəs pəncərə haradadır? Axı pişiklər pəncərədən tullanırlar! - pişik soruşdu.
- Budur pəncərələr. Bir, iki, üç, dörd ... - Qız dedi və dörd pəncərə çəkdi.
- Bəs harada gəzəcəm?
- Burada.
Qız evin ətrafında bir çəpər çəkdi.
- Bura bağ olacaq! - qız dedi.
Pişik başını qaldırıb mırıldadı:
- Bu necə bağdır? Burada heç bir şey yoxdur! ..
- Gözlə! -qız dedi. - Budur sənin üçün rəngarəng çiçəklər, üstü dolu alma ağacı, tərəvəz bağçası: burada isə yerkökü və kələm bitir...
- Kələm! - pişik mızıldandı - Bəs balığı harada tutacam?
- Budur burada ...
Qız bir gölməçə və gölməçənin içərisində üzən balıqlar çəkdi.
Bu yaxşıdır... Bəs quşlar olacaq? - pişik maraq ilə soruşdu. - Mən quşları sevirəm.
- Onlar da olacaq. Bax sənin üçün bu toyuqlar, bu xoruz, bu qaz, bax burda da üç cücə var...
Sonra Pişik qəfildən pəncələrini yaladı və səssizcə soruşdu:
- Yaxşı, de görüm, evdə siçanlar olacaq?
- Xeyr, siçanlar olmayacaq.
- Bəs onda evimi kim qoruyacaq?
- Onu qoruyacaq.... - qız bir dam çəkdi, damın içində isə bir it - Evini bax bu Bobik it qoruyacaq!
Pişik itin şəklini görən kimi quyruğunu tərpətdi və tükləri də biz-biz durdu.
Sənin evin heç xoşuma gəlmir - pişik dedi. - Orada yaşamaq istəmirəm! - deyib çıxıb getdi, sanki onu incitmişdilər.
Ay nə yaman ərköyün pişikdi bu!
15.12.2020