Tunis Respublikası
Sahəsi: 163610 km2
Əhalisi: 10,5 mln. nəfər (2010)
Əhalinin sıxlığı: 64 nəfər/km2
Paytaxtı: Tunis (2,14 mln. nəfər)
Rəsmi dil: ərəb
Dini etiqad: islam (sünni təriqəti)
Pul vahidi: Tunis dinarı
Dövlət quruluşu: respublika
Tunis 1956-cı ildə müstəqilliyini elan etmiş ən kiçik Məğrib (Günbatan) ölkəsidir. Ölkədə Şərq təmtərağı antik incəliklə uzlaşır. Tunis ətraf ərazilərə nisbətən sosial-iqtisadi cəhətdən daha çox inkişaf etmişdir. Tunisin ərazisinin 1/3 hissəsi Böyük Səhrada yerləşir.
Ölkənin şimalındakı Aralıq dənizi sahilindən cənuba doğru getdikcə sıx bitkilərlə örtülmüş dağlar yastı quraq yaylalarla əvəz olu nur. Atlas dağları iki silsilə əmələ gətirir. Onlar dan birində ölkənin ən yüksək nöqtəsi olan Şanbi dağı (1544 m) yüksəlir. Dağlar dənizə tərəf getdikcə alçalır. Dağlardan cənubda bir neçə göl, sonra seyrək vahələri və yaşayış məntəqələri olan səhralar yerləşir. Tunisin mərkəzi hissəsində şorsulu Əl-Cərid (Şott-ƏI-Cərid) gölü vardır. Ölkənin 2/3 hissəsi suvarma tətbiq olunar sa əkinçiliyə yararlıdır. Əsas məhsuldar torpaqlar ölkənin şimalında cəmlənmişdir. Kənd təsərrüfatı bitkilərinə taxıl, meyvə-tərəvəz, üzüm, sitrus bitkiləri, zeytun daxildir. Mal-qara, dəvə, qoyun, keçi saxlanılır. Kənd təsərrüfatı, sənaye, faydalı qazıntıların hasilatı, turizm eyni əhəmiyyətli aparıcı sahələrdir. Sənayenin əsas hissəsi paytaxt ətrafında cəmlənmişdir. Ən çox inkişaf etmiş sahələrə toxuculuq, tikiş, gön-dəri, yeyinti, kimya, qara metal məmulatı istehsalı, fosfor, qurğuşun və neft hasilatı aiddir. 2007-ci ildə ölkəyə 6,7 mln. nəfər turist gəlmişdir.
03.06.2022