Trombon (italyan dilində trombone-"böyük trumpet") — bas-tenor registrli mis-nəfəsli musiqi alətidir.

“Böyük trumpet” mənasını bildirən trombone aləti həqiqətən də trumpetə (trubaya) oxşayır, ancaq ondan fərqli olaraq, trombonun "kulisa" adlanan siyirtməli, irəli-geri çəkilən borusu var. Onun vasitəsilə musiqiçi xromatik səs sırasının səslərini ifa edə bilər. Trombon güclü, parlaq və təntənəli səslənir. Trombon XIX-cu əsrdə, nəinki orkestrin bir hissəsi kimi, həmçinin solo alət kimi də kifayət qədər geniş yayılmışdır.