Akustika səs və onun necə yayılması haqqında elmdir. Arxitektor konsert zalının və ya teatrın proyektini hazırlayanda binanın akustik xüsusiyyətlərini çox diqqətlə nəzərə almalıdır: musiqi və nitq zaldakı hər bir yerə tam çata biləcəkmi? Səs divarlardan və tavandan əks- səda verə bilərmi? Səs dalğaları düz xətlə yayılır və müxtəlif səthlərdə əks oluna və ya onların tərəfindən udula bilirlər. Arxitektor divarların və tavanın üstünü örtmək üçün müxtəlif materiallar seçərək səs dalğalarını lazım olan yerlərə yönəldə bilir.