Albatros
Albatros həyatının çox hissəsini okeanın üzərindəki havada keçırən böyük quşdur. Albatrosların 14 müxtəlif növü mövcuddur. Onların əksəriyyəti ekvatordan cənubda yaşayır. Albatros dalğaların üzərində əzəmətlə süzərək quruya ancaq çoxalmaq üçün və ya güclü fırtınalar zamanı oturur. Çox vaxt albatroslar gəmilərin arxasınca uçur və onların suya atdıqları qida ilə qidalanırlar. Albatroslar suda oturaraq yatırlar. Əsasən kalmar, balıq və meduzalarla qidalanırlar. Albatros çoxlu miqdarda dəniz suyu içir, onun başında orqanizminə su ilə birlikdə daxil olan duzu xaric etmək üçün xüsusi vəzilər vardır. Hər il yüzlərlə albatros balıqçı torlarına ilişərək məhv olur. Nəticədə albatrosların sayı azalaraq nadir quşa çevrilmişdir.
24.04.2019