Azərbaycanın görkəmli teatr-kino rejissoru, aktyoru və pedaqoqu
1910-cu il mayın 5-də Yelizavetpol (Gəncə) quberniyasında anadan olub. İlk səhnə fəaliyyətinə məktəbdə başlayıb, sonrakı illərdə işçi klublarındakı dram dərnəklərində fəaliyyət göstərib.
1928-1931-ci illərdə Bakı Teatr Texnikumunun rejissor-aktyor bölməsində təhsil alıb.
1936-cı ildə Moskvada Lunaçarski adına Dövlət Teatr İnstitutunda təhsilini davam etdirib, Vaxtanqov adına Moskva Bədaye Teatrında rejissorluq təcrübəsi keçib.
1936-1960-cı illərdə Azərbaycan Dövlət Dram Teatrında rejissor, baş rejissor və direktor vəzifələrində işləyib. Rejissor kimi ilk işi Səməd Vurğunun “Vaqif” dramı olub.
1938-ci ildə Azərbaycan SSR Əməkdar incəsənət xadimi adına, 1943-cü ildə isə Azərbaycan SSR Xalq Artisti adına layiq görülüb.
1947-ci ildə Azərbaycan Dövlət Dram Teatrında “Şərqin səhəri” tamaşasının quruluşçu rejissoru kimi SSRİ Dövlət mükafatı (Stalin mükafatı) laureatı olub.
1955-1962-ci illərdə Azərbaycan SSR Ali Sovetinin (4-cü və 5-ci çağırış) deputatı seçilib.
1959-cu ildə SSRİ Xalq Artisti adını alıb.
1966-1974-cü illərdə Cəfər Cabbarlı adına “Azərbaycanfilm” kinostudiyasının direktoru vəzifəsində çalışıb.
1976-cı ildə “Axırıncı aşırım” filmində yaratdığı Kərbəlayı İsmayıl roluna görə Ümumittifaq kino festivalının “Kişi rolunun ən yaxşı ifasına görə” nominasiyasının qalibi olub, “Lenin”, “Qırmızı Əmək Bayrağı” və “Şərəf nişanı” ordenləri ilə təltif edilib.
1978-ci il sentyabrın 18-də Bakıda vəfat edib, Fəxri xiyabanda dəfn olunub.
12.09.2014
