Zeynallı Asəf Zeynalabdin oğlu
Azərbaycan bəstəkarı
1909-cu ildə Dərbənddə anadan olub.
1923-1926-cı illərdə Bakı musiqi texnikumunda oxuyub.
1931-ci ildə Azərbaycan Dövlət Konservatoriyasını bitirib, Üzeyir Hacıbəyovdan dərs alıb.
1929-1931-ci illərdə fəhlə teatrında musiqi bölməsinin müdiri və Azərbaycan proletar musiqiçiləri birliyinin sədri vəzifəsində işləyib. Bir müddət Tofiq Quliyev və Qara Qarayevə dərs deyib. Azərbaycan musiqi tarixində romans janrının banisidir. “Vətən”, “Sual”, “Seyran” və bir çox başqa romansların müəllifidir.
O, həmçinin fəhlə teatrında oynanılan bir çox əsərlərə musiqi bəstələyib. "Uşaq süitası" əsəri ilə Azərbaycanda uşaq musiqisi repertuarının əsasını qoyub. Əlliyə yaxın Azərbaycan xalq mahnısını nota köçürüb.
Asəf Zeynallı 1932-ci ildə 23 yaşında vəfat edib. Hazırda Bakı musiqi kolleci onun adını daşıyır.
23.09.2014
