Solomon adaları
Sahəsi: 28 370 km2
Əhalisi: 567 min nəfər (2007)
Əhalinin sıxlığı: 20,0 nəfər/km2
Paytaxtı: Xoniara (55 min nəfər)
Rəsmi dillər: ingilis, pica, 47 yerli dil
Dini etiqad: protestantlıq (78%), katolisizm
(18%), ənənvi dinə inananlar
Pul vahidi: Solomon adaları dolları
Dövlət quruluşu: Böyük Britaniya Şahzadəsinin başçı olduğu dövlət. Birlik üzvü
Solomon adalarına bir neçə yüz mərcan adaları, atollar, 6 iri vulkan mənşəli ada daxildir.Adalar 655 km2-dən çox bir ərazidə səpələnmişdir.
Solomon adaları iki cərgədə şimal-qərbdən cənub-şərqə doğru 1400 km məsafədə uzanır. Adalar dağ silsilələrindən ibarətdir, yalnız sahilboyu hissələri ensiz ovalıqlar tutur. Solomon adalarında 4500 tropik bitki növü vardır. Onlarınbir çoxu tibbdə, tikintidə, paltar və ərzaq məhsullarının hazırlanmasında istifadə olunur. Əsas əmtəə məhsullarına palma yağı, hind qozu ləpəsi (kopra), kakao aiddir. Batat, yams, çəltik və tropik bitkilər daxili istehlak üçün becərilir. Ölkədə meşə sənayesi sürətlə inkişaf etdirilmiş, nəticədə meşələrin 10%-i qırılmışdır. Adada balıq ovlanması (xüsusilə tunes) inkişaf etdirilir. Əhalinin əsas hissəsi altı böyük adada yaşayır: Malaita, Quadalkanal, Yeni Corciya, San-Kristobal, Santa-lsabel və Şuazel. Ən böyük ada olan Quadalkanalda ölkənin paytaxtı və əsas limanı Xoniara yerləşir. Solomon adalarında əhalinin məskunlaşması b.e.ə. I minillikdən gec olmayaraq başlamışdır. Bura ilk dəfə Bismark arxipelaqı və Yeni Qvineyadan olan papuas tayfaları gəlmişlər. Sonra adalara 100-dən çox dildə danışan, hazırda adaların əhalisinin əsas hissəsini təşkil edən melaneziyalılar, daha sonar polineziyalılar köçmüşdür. Son illər adada tez- tez dini və etnik münaqişələr baş verir.