Sahəsi: 56 785 km2

Əhalisi: 6,8 mln. nəfər (2010)

Əhalinin sıxlığı: 119,8 nəfər/km2

Paytaxtı: Lome (1377 min nəfər)

Əsas dillər: fransız, eve, kabre, qurma

Dini etiqad: ənənəvi yerli dinlər (50%), katolisizm (35%), islam (15%)

Pul vahidi: Afrika frankı

Dövlət quruluşu: respublika

Toqo Qvineya körfəzindən materikin daxilinə doğru ensiz zolaq şəklində 540 km uzanır. Ölkədə Afrikanın təbiətinin bütün müxtəlifliyi özünü göstərir, paytaxtı Lome regional əhəmiyyətli limandır. Toqoda düzənliklərin əsas hissəsini seyrək baobab ağacları bitən, yüksək otlardan ibarət savannalar tutur. Çayların vadilərində həmişəyaşıl meşələr, daxili rayonlarda yağlı palma bitir. Cənubda ekvatorial iqlim şəraitində iki yağıntılı mövsüm, şimalda bir yağıntılı mövsüm olur, ildə 600-1700 mm yağıntı düşür. Əmək qabiliyyətli əhalinin 65%-nin məşğul olduğu kənd təsərrüfatında kiçik torpaq payları üstün lük təşkil edir. Kənd əhalisi yams, qarğıdalı, darı, kakao, qəhvə, manikok, kalış, meyvə tərəvəz becərir. Yams - əhalinin əsas ərzaq məhsullarından biridir. Bitkinin kökündən un alınır və ya qaynadıb yeyirlər. Ölkə əhalinin ərzaq tələbatını tam ödəyə bilir. Zəngin və yüksək keyfiyyətli fosforit yataqlarından hasil edilən xammal dövlət büdcəsinə xeyli vəsaitin gəlməsini təmin edir. Əhalinin etnik tərkibi müxtəlifdir. Kabre və eve xalqları arasında gərgin münasibətlər vardır.