Zaqatala Dövlət Təbiət Qoruğu Azərbaycan Respublikasının ən qədim qoruqlarından biridir. Qoruq 1929-cu ildə Zaqatala və Balakən inzibati rayonlarının ərazisində, Böyük Qafqaz sıra dağlannm mərkəz hissəsinin cənub mikroyamaclarında təşkil edilmişdir.

Ərazisi 47349 hektardır.

Zaqatala Dövlət Təbiət Qoruğunun yaradılmasında başlıca məqsəd meşələrin əvəzedilməz torpaqqoruyucu və susaxlayıcı xüsusiyyətlərini saxlamaq, aşağı zonada yerləşən yaşayış məntəqələrini və əkin sahələrini seldən qorumaq, Böyük Qafqazın cənub yamacının təbii kompleksini, bitki və heyvanat aləmini mühafizə etməkdir. Qoruqda 1000-dən artıq bitki növünə təsadüf edilir. Əsas meşə təşkil edən növlər fıstıq, palıd, vələs, cökə, göyrüş, şabalıd, qoz, qaraçöhrə, qarmaqvari şam və sairədir.

Burada 32 növ məməli, 89 növ köçəri və oturaq quş, Şərqi Qafqaz təkəsi, maral, qarapaça, çöl donuzu məskunlaşmışdır.