Sahəsi: 237 km2 

Əhalisi: 19,6 min nəfər 

İnzibati mərkəzi: Avarua (14,2 min nəfər)

Rəsmi dillər: ingilis, maori 

Dini etiqad: katolisizm 

Pul vahidi: Yeni Zenlandiya dolları

Dövlət quruluşu: Yeni Zelandiyanın mülkü

Kuk adaları iki qrup vulkan və mərcan mənşəli adalardan ibarətdir. Onlar Sakit okeanda 2,2 mln. km2 əraziyə səpələnir. Adalar 1770-ci ildə C.Kuk tərəfindən kəşf edilmişdir.

Kuk adaları 6 mərcan mənşəli atolldan və 9 vulkan mənşəli adalardan təşkil olunur. Əhali ən böyük ada olan Rarotonqada yaşayır. Avarua şəhəri də burada yerləşir. Sakinləri Yeni Zelandiyada yaşayan maori xalqı ilə etnik cəhətdən əlaqəlidir. Ona görə maori dili ingilis dili ilə bərabər işlədilir.

Əhali balıq ovlayır, ananas və başqa tropik meyvələr becərir. Lakin ən çox gəliri turizm və ofşor banklar gətirir. Onlar vergi vermir, illik üzvlük haqqı ödəyir. Süni mirvari yetişdirilir. Adalar Yeni Zelandiya ilə sıx əlaqəlidir, onun əsas ticarət müttəfiqidir.