Burundi Respublikası
Sahəsi: 27834 km2
Əhalisi: 8,5 mln. nəfər (2010)
Əhalinin sıxlığı: 305,4 nəfər/km2
Paytaxtı: Bujumbura (447 min nəfər), Qiteqa (26 min nəfər)
Əsas dillər: fransız, rundi (kirundi)
Dini etiqad: katolisizm (56%), protestantlıq (26%), islam (sünni təriqəti), ənənəvi yerli dinlər
Pul vahidi: Burundi frankı
Dövlət quruluşu: respublika
Burundi Tanqanika gölünün şimal-şərqində, Nil və Konqo çaylarının suayrıcısında yerləşir. Gölün şimal sahilində yerləşən Bujumbu ra şəhəri ölkənin əsas limanıdır. Təpələrin məhsuldar yamaclarında ölkənin əsas əmtəəlik məhsulu olan qəhvə, həmçinin çay, pambıq, banan, şəkər qamışı, maniok, qarğıdalı becərilir. Sənayedə kənd təsərrüfatı xammallarının emalı, toxuculuq, ayaqqabı, kustar sənətkarlıq inkişaf edir. Burundi Afrikada əhalisi sıx olan ölkələrdən biridir. Doğum səviyyəsi yüksəkdir, ona görə ailələrdə uşaqların sayı çoxdur.
Əhalinin 14%-ni təşkil edən tutsilər hökumətdə aparıcı mövqe tutur. Belə vəziyyət etnik üstünlüyə malik olan xutu xalqlarının narazılığına səbəb olur, silahlı toqquşmalara gətirib çıxarır. Nəticədə son vaxtlarda 200 min nəfər həlak olmuşdur, 1 mln. nəfər isə qaçqın düşərək qonşu ölkələrdə məskən salır.
04.11.2022