Qoboy (fransızcadan hautbois, hərfi mənada "hündür ağac") — ikiqat qamış dilçəkli ağac-nəfəsli musiqi alətidir.

Ən gözəl səslənən və lirik, səmimi tembri ilə seçilən alətlərdəndir. Bütün qəmgin melodiyaları, adətən, qoboy səsləndirir. Ahəngli, ancaq bir qədər burun səsə (tın-tın, burunda səslənən), xırıltılı tembrə malikdir. 1989-cu ildə ən mürəkkəb alət kimi Ginnesin rekordlar kitabına salınmışdır. Volınka, jaleyka, balaban, mey (neyin başqa növü), düdük, qayta, xitiriki, zurna kimi xalq alətləri qoboyun sələfləri hesab olunur.