Torpaq oyanmamışdan öncə əkin yerlərinə və bağ-bağata verilən sudur.

Qış aratı və yaz aratı olmaqla iki növü vardır. Qış aratı Böyük çillədə, yaz aratı isə Boz ayın əvvəlində verilir. Yaz fəslinin əvvəllərində, eləcə də Novruz bayramı günlərində şum işlərinə başlayanda əkin sahəsinə toxum səpilməmişdən əvvəl arat suyu verilir. Təcrübəyə görə, həmin su torpaqda rütubəti artırır, toxumun tez və sağlam cücərməsinə kömək edir.