Sibir xoruzu bədəninin uzunluğu 30-110 sm, çəkisi 0,4-6,5 kq qədər olan quşlardır. Ölçüsünə və rənginə görə erkək fərdlər dişilərdən fərqlənirlər.

Sibir xoruzu toyuğun yaxın qohumudur. Onlar iynəyarpaqlı və qarışıq meşələrdə yaşayırlar. Yayda qaçaraq yerdəki giləmeyvələri, gülləri, yarpaqları, həşaratları dimdikləyir, payızda və qışda isə ağaclarda olan iynəyarpaqlarla, cavan budaqlarla, tumurcuqlarla, quşarmudu ilə qidalanırlar. Qışda ağacdan qarın içinə baş vurur. Bu quş qısa müddətdə çox hündür olmayan məsafədə səs salaraq uça bilir.

Dişi quş yuvasını yerdə qurur və 16-ya qədər yumurta qoyur.