Repin İlya Yefimoviç
Репин Илья Ефимович
Görkəmli rus rəssamı.
1844-cü il avqustun 5-də Ukraynanın Xarkov vilayətində anadan olub.
1864-1871-ci illərdə Peterburq Rəssamlıq Akademiyasında təhsil alır, sonradan həmin Akademiyanın həqiqi üzvü seçilib.
1873-cü ildə İtaliya və Fransaya səyahət edən rəssam 3 il orada qalaraq Avropa incəsənəti ilə yaxından tanış olub.
1882-ci ildən Peterburqda yaşayan Repin rus həyatının sosial ziddiyyətlərini və ictimai münasibətləri qabarıq şəkildə təsvir edib və "Qorxaq kəndli" (1877), "Bədnəzər kəndli" (1877), "Tövbədən imtina" (1879-1885), "Təbliğatçının həbsi" (1880-1892), "Gözləmirdilər" (1884-1888) tabloları bu qəbildəndir.
Onun ən yaxşı portretləri sırasına "V.V. Stasov" (1873), "A.F.Pisemski" (1880), "L.N. Tolstoy" (1887) və bu kimi başqa əsərləri daxildir. Repin, həmçinin tarixi janrda "Şahzadə Sofiya" (1879), "İvan Qroznı və oğlu İvan"(1885), "Zaporojyelilər Türkiyə sultanına məktub yazarkən" (1878-1891) adlı məşhur əsərlər yaradıb.
1930-cu il sentyabrın 29-da Kuokkala qəsəbəsində vəfat edib və yerli qəbiristanlıqda dəfn olunub.
20.08.2015
