Olmeklər, sözsüz, böyük heykəltaraşlar olub. Onlar çox böyük ustalıqla daşları yonaraq insan fiquru ilə bəzədilmiş qəbirüstü daşlar və mehrablar yaradırdılar. Ən çox xarakterik olan, yəqin ki, tanınmış başçıların üz cizgilərini əks etdirən nəhəng başlardır. Bu monumental başlar çox möhkəm daş olan bazaltdan hazırlanıb.

Bu nəhəng başların çoxu Meksikanın La-Venta Arxeoloji parkında saxlanılır. Sözügedən memarlıq nəhənglərinin bəzilərinin hündürlüyü 2,5 metrə çatır və çəkisi təxminən 25 tondur.