Oktyabrın 4-də bütün dünyada Beynəlxalq Heyvanları Müdafiə Günü qeyd olunur.

Bu əlamətdar gün 1931-ci ildə Florensiyada (İtaliya) ekoloqların beynəlxalq konqresində heyvanların müdafiəsi üçün təqvimə daxil edilib. Oktyabrın 4-ü ona görə seçilib ki, bu gündə müqəddəs katolik Fransisko Assizko vəfat edib. Orta əsr İtaliyasında yaşamış əfsanəvi zahid heyvanların müdafiəçisi və himayəçisi kimi yad olunur. Buna görə də bir çox rəssamlar öz əsərlərində müqəddəs Fransiskonu heyvan və quşların əhatəsində təsvir ediblər.

Bu gün milliyyətindən, inancından, dinindən, siyasi baxışından və ya ideologiyasından asılı olmayaraq heyvansevər hər bir kəs tərəfindən qeyd edilir. Beynəlxalq Heyvanları Müdafiə Günü bütün heyvansevərlərə bir yerə toplaşmaq və xeyirxah işlər görmək üçün gözəl imkan yaradır.