İri Amerika kinomaqnatları yarandıqdan sonra filmləri əsas mövzular və onların ozah edilməsinə əsasən qruplarda birləşdirdilər. Bu mövzular da kino janrlarını təyin etdi: komediyalar, musiqili filmlər, vesternlər, detektivlər, macəra kinoları, elmi-fantastik və dəhşət filmləri.
Komediya-Bu sənət növü, tanrıların şərəfinə tətillərdə insanların əyləncəli kostyumlu tamaşalar nümayiş etdirdikləri antik Yunanistana gedib çıxır. İctimai həyatda və məişətdəki eybəcərliklərin, mənfiliklərin, insan xarakterindəki gülünc cəhətlərin lağa qoyulması komediya konfliktinin əsasını təşkil edir. Komediyada gülüş, yumor və satira xarakteri daşıya bilər.
Musiqili film — Bu janrda çəkilən filmlər əsasən musiqi və mahnılardan ibarət olur. Musiqili filmdə obrazlar müxtəlif mahnılar ifa edir. Bu mahnılar əsasən filmin mənasını açmağa xidmət edir.
Western 19-cu əsrin ikinci yarısında Amerika müstəmləkəçiliyi dövrü - Vəhşi Qərbin həqiqətləri ilə xarakterizə olunan çox populyar bir janrdır. Kovboylar, revolverlər, papaqlar, quldurlar, salonlar, şeriflər, hindular və bank soyğunçuları qonaq olmayan çöllərdə və kənd musiqisinin müşayiət etdiyi nadir yaşayış yerlərində - bunlar qərbin əsas xüsusiyyətləri, ən parlaq ulduzu amerikalı aktyor Klint İstvuddur.
Detektiv — Polis, xəfiyyə, cinayət tematikasına aid olan film janrıdır. 
Detektiv filmi cinayətlərin və dövlət əleyhinə cinayətkarlığın təhqiqindən, eləcə də kəşfiyyatçıların fəaliyyətindən bəhs edən kino sənəti əsəridir. Ədəbi-bədii detektivdən fərqli olaraq, detektiv filmi düşüncələri yox, personajların əməllərini ön plana çəkir və süjetin dinamikliyi naminə xəfiyyənin və caninin hərəkətlərini paralel göstərməklə çox vaxt incə psixoloji məqamları, xırda müəmmaları qurban verir. 
Macəra filmlərində qəhrəman düşdüyü çətin vəziyyətdən çıxmaq üçün qeyri-adi yollar axtarır.
Elmi-fantastik filmlər-Çox vaxt futuristik kosmik gəmilər, robotlar və ya digər texnologiya ilə müşayiət olunan elmi fantastika; yerdənkənar həyat formaları, yad planetlər və zamanda səyahət kimi xəyali hadisələrin spekulyativ və elmi əsaslı təsvirlərindən istifadə edən film janrıdır
Elmi fantastika kinoteatrın atası sayıla biləcək ilk adı, 1895-ci ildə Lumiere qardaşlarının gərçəkləşdirdiyi ilk kinoteatr filmini izləyən və böyük həyəcan hissi keçirən George Melies-dir. Bir sehirbaz və illüziyon ustası olan Melies, 1903-ci ildə ilk elmi fantastika filmi olaraq qəbul edilən “Aya səyahət” filmini çəkərək elmi fantastika kinoteatrının qapısını aralayan ad olaraq tarixə keçmişdir.
Qorxu filmləri və ya horror – insanı vahiməyə gətirən bədii filmin janrıdır. Ən məşhur qorxulu filmləri çəkən ölkələr sırasına ABŞ, Böyük Britaniya, Fransa, Almaniya, Yaponiya və İtaliya kimi ölkələr daxildir
"Horror" terminini ilk dəfə fransızlar işlətmişlər. İlk qorxulu film fransız rejissoru Jorj Melyes tərəfindən 1896-cı ildə çəkilən İblisin qəsri filmidir. 1909-cu ildə çəkilən "Cingilti" filmi Rusiyanın ilk qorxulu filmidir. 1910–1940-cı illər arasında "Drakula" və "Frankenşteyn" haqqında ilk vahimə janrında filmlər çəkilir. 1949-cu ildə çəkilən "Yellənən" filmi Hindistanın ilk qorxulu filmidr 1950-1960-cı illər arasında çəkilmiş qorxulu filmlər əvvəlki çəkilən filmlərdən fərqlənir. Çünki bu filmlər psixoloji formada çəkilirdi. Xüsusilə, bu filmləri məşhur ingilis əsilli ABŞ rejissoru Alfred Hiçkok çəkirdi. İlk dəfə "Qorxu filmi" janrında yayımlanan serial ABŞ-də 1959-1964-cü il arası çəkilən "Alaqaranlıq zonası" serialı idi.