Sekvoyya
Sekvoyya (lat. Sequoia) Yer kürəsində ən böyük və ən qədim ağaclardan biridir.
Sərvkimilər fəsiləsindən olan bu ağac 76 metrə qədər (25 mərtəbəli bina) uzana bilər. Onun ayrı-ayrı növlərinin hündürlüyü 110 metrdən çoxdur.
Sekvoyyanın maksimum yaşı təqribən üç min ildir.
Bu ağac ABŞ-da Sakit okeanın sahili boyu, Kaliforniya ştatı ərazisində, Havay adalarında, habelə Yeni Zelandiya, Böyük Britaniya, İtaliya, Portuqaliya, Cənubi Afrika Respublikası və Meksikada bitir.
San-Fransisko yaxınlığında Redvud Milli Parkında bitən “Hiperion” adlı sekvoyya hazırda planetimizdə tanınan ağacların ən hündürüdür. Bu nəhəngin hündürlüyü 115,5 metrdir.
“General Şerman” ağacı dünyada ən iri ağacdır. Onun hündürlüyü 83,8 metrdir. 2002-ci ildə ağacın gövdəsinin həcmi 1487 kubmetr olub. Bu ağac Kaliforniya ştatı ərazisindəki Sekvoyya Milli Parkında bitir. Deyilənə görə, onun 2300-2700 il yaşı var.
03.11.2016
