Qütb ulduzu (Kiçik Ayı bürcünün alfası) Şimal qütbü yaxınlığında yerləşən Kiçik Ayı bürcündə ifrat nəhəng ulduzdur.

Yerə qədər məsafəsi 434 işıq ilidir.

Qütb ulduzu Şimal qütbündən 1˚ kənarda yerləşir, buna görə də ulduzlu səmanın sutkalıq fırlanması zamanı demək olar hərəkətsizdir.

Səmti tapmaq üçün çox rahatdır: onun istiqaməti ilə şimal istiqaməti üst-üstə düşür, üfüq üzərində hündürlüyü müşahidə yerinin coğrafi eninə bərabərdir.

Buna görə də onu Qütb ulduzu adlandırırlar. Qütb ulduzu həmişə Şimal yarımkürəsində üfüqün şimal nöqtəsi üzərində yerləşir.

Bu da hər hansı yerdə Qütb ulduzunun köməyi ilə istiqaməti tapmağa kömək edir.