XIX əsrin 60-cı illərində Fransada bəzi rəssamlar yeni üsullarla rəsm çəkməyə başladılar. Onlar emalatxanada işləmək əvəzinə açıq havada rəsm çəkməyə üstünlük verir, böyük tarixi hadisələri təsvir etmək əvəzinə təbiəti və gündəlik həyat səhnələrini çəkir, hiss olunmayan və dəyişən işıq effektlərini təsvir etməyə çalışırdılar. 

1874-cü ildə bir qrup rəssam Parisdə sərgi təşkil etdi. Onların əsərlərini ələ salıb güldülər. Qəzetlərdən biri Klod Monenin(1840-1926) 1872-ci ildə yaratdığı “İmpression: Sunrise” ( İngilis dilində “Təəsürat: Günəşin çıxması” deməkdir) əsəri haqqında istehza ilə yazmışdı. Beləliklə, bu qrup “impressionistlər” adını aldı.” Amma az bir vaxtdan sonra insanlar impressionistlərin canlı manerasını qəbul etdilər. Monedən başqa Eduard Mane (1832-1883), Kamil Pisarro (1830-1909), Edqar Deqa (1834-1917), Alfred Sisley (1839-1899) və Pyer Oqyust Renuar (1841-1919) aparıcı impressionist idilər.