Molla Nəsrəddinin Teymur Lənglə ilk görüşü haqqında belə bir rəvayət də vardır:

Teymur mollanı saraya çağırtdırır. Molla içəriyə girib görür ki,otaq adamla doludur. Amma hamı dövrə vurub yerdə oturub, təkcə Teymur əyləşib uca bir taxtın üstündə. Tez baş əyib deyir:

- Salam əleyküm,Ya Allah!

Teymur deyir:

- Mən Allah deyiləm , ay kişi! Mən…

Molla onun sözünü ağzında qoyub deyir:

Qurban olum sənə, ya cənab Cəbrayıl! 

Teymur deyir:

- A kişi, nə danışırsan? Mən niyə Cəbrayıl oluram?

Molla deyir:

Başa düşmürəm. İndi ki, nə Allahsan, nədəki mələk. Onda  düş, adam kimi otur adamların içində də. Daha göyə niyə dırmaşmısan?