Nəvaini çətin vəziyyətə salmaq üçün daim girəvə gəzən Bayqara bir gün ona deyir ki, üç günün içində mənim üçün daşdan papaq tik. Nəvai heç tövrünü pozmadan bildirir:

— Bunda çətin heç nə yoxdur. Ancaq mənim söyüd külündən əyrilmiş bir yumaq ipə ehtiyacım olacaq. Onu təmin etsəniz, tələbinizi yerinə yetirərəm.

Hüseyn Bayqara cırnayır: 

— Heç söyüd külündən də ip olar?! Birinci dəfədir eşidirəm.

Nəvai dillənir:

— Daşdan papaq olarsa, söyüd külündən ip niyə olmasın?!