Təbiət

Türkiyənin zəngin florası

Türkiyənin zəngin florası həm peşəkar, həm də həvəskar botaniklər üçün bir xəzinədir. Türkiyənin florası 12 mindən çox bitki növü ilə botanikləri cəlb edir. Ölkə Avropa qitəsi ilə müqayisə edilə biləcək müxtəlif bitki növlərinə malikdir.

 

Təbiəti sevən turistlər ölkənin təbii landşaftları, milli və botanika bağları və unikal coğrafi xüsusiyyətləri vasitəsilə Türkiyənin zəngin florası haqqında məlumat əldə edə bilərlər.

 

Türkiyənin unikal flora və faunasını müşahidə etmək və öyrənmək üçün 46 milli park, 259 təbiət parkı, 31 təbiət mühafizə zonası, 114 təbiət zonası mövcuddur.

 

İynəada Milli Parkı

Türkiyənin Kırklareli şəhərinin 97 kilometr şimal-qərbində yerləşən İynəada Milli Parkı 3155 hektar ərazini əhatə edir. İynəada Milli Parkı zəngin biomüxtəlifliyi ilə düz meşələri, bataqlıqları, şirin su gölləri və sahilləri özündə birləşdirən nadir ekosistemlərdən biridir.

 

472 müxtəlif zəngin bitki növü ilə zəngin olan və 2007-ci ildə milli park olaraq yaradılan bölgədə Saka, Dəniz, Hamam, Pedina, Mərt, Ərikli adlı göllər yerləşir. Milli park 194 quş növü ilə də zəngindir.

 

 

Duz gölü

Duz Gölü Türkiyənin ən böyük ikinci, dünyanın isə ən duzlu göllərindən biri sayılır. Hər il dünya miqyasında orta hesabla 10 min flaminqoya rast gəlinən azsaylı ərazilərdəndir. Gölün suyunun temperaturu və iqlim şəraiti optimal olduğu zaman flaminqonun yumurtasından çıxan balaların sayı 20 minə çatır ki, bu da böyük göstəricidir.

 

Son vaxtlara qədər bu göl yalnız duzluluğu, həmçinin qaranquşlar və çöl qazları kimi köçəri quşların yaşayış yeri kimi tanınırdı. Ancaq 2020-ci ildə bir qrup alim Duz gölündə 72 fərqli nadir endemik bitki növü aşkar edərək elm dünyasını heyrətləndirməyi bacardı.

 

 

Atatürk Dendroparkı

1949-cu ildə Mustafa Kamal Atatürkün anadan olmasının 100-cü ildönümü münasibətilə əsası qoyulan və 1982-ci ildən Atatürkün adını daşıyan Dendropark İstanbulun ən yaşıl səmtlərindən biri olan Sarıyerdə, Belqrad meşəsinin yanında yerləşir.

 

3000 kvadratmetr ərazini əhatə edən Atatürk Dendroparkında 2000-dən çox yerli və ekzotik bitki növü, həmçinin ördək və qu quşlarının yaşadığı üç göl, həmçinin palıd, ağcaqayın, qızılağac və çinar ağacları da daxil olmaqla minlərlə ağac var.

 

 

Gaziantep Nəbatat Bağı

2009-cu ildə 17 min kvadratmetr sahədə qurulan Qaziantep Nəbatat Bağı Qaziantepin ilk botanika bağıdır. Burada yoxa çıxmaqda olan bitkilər yetişdirilir və tələbələrə müxtəlif bitki növlərini tanıtmaq üçün təlimlər keçirilir.