Ana 

 

Bu dünyada hamıdan cox 
Məni ən cox o sevir
Dərslərimdən 5 alanda 
Afərin balam deyir 
O kimdir? deyin mənə

-Tapdım,tapdım
Hər an qayğıma qalan 
Mənim nur üzlü anam. 

 

 

Ata 

Hər gün işdən gələndə 
Öpürəm üz gözündən
Bizim evdə heç bir kəs 
Çıxmır onun sözündən 
O kimdir elə? deyin mənə

-Tapdım tapdım 
Hamıdan güclü olan 
Mənim pəhləvan atam.

 

Bacı

-Anamın qucagında 
Uzaqdan əl sallayır 
Mən məktəbə gedəndə

hey dalımca aglayır
O kimdir elə? deyin mənə 

-Tapdım tapdım 
Mənim dəcəl turacım 
Nazlı balaca bacım. 

 

 

Qardaş

O mənə deyir bacı
Deyir başımın tacı
Tək oğludur anamın
Nəfəsidir atamın 
O kimdir elə? deyin görək

-Tapdım,tapdım 
Mənim bir tək sirdaşım
Canım,əziz qardaşım.

 

 

Baba 
-Ata deyir ona atam
Ata deyir ona anam 
Nəvələrin cox sevir 
Hamıya yol göstərir 
O kimdir elə ? deyin mənə 

-Tapdım,tapdım...
Mənim şirin şəkər babam.

 

Nənə 

-Ana deyir ona anam 
Ana deyir ona atam
Bizlə başı qarışır
Hər gün nagıl danisir
O kimdir elə? deyin mənə

-Tapdım tapdım 
Mənim nağıl noğul nənəm.

 

 

Bibi
-Qızım deyir ona babam
Qızım deyir ona nənəm 
Çoxlu oyunlar bilir 
Bizə tapmaca deyir 
O kimdir elə? deyin bilim

-Tapdım,tapdım 
Mənim dadlı duzlu bibim.

 

 

Əmi 

-Qardaş,deyir ona atam 
Qardaş deyir ona bibim
Alır bizə oyuncaq 
Öpür bizi doyunca 
O kimdir elə? deyin bilim

-Tapdım,tapdım 
Mənim cəsur igid əmim.

 

Xala 

Bacı deyir ona dayim 
Bacı deyir ona anam
Mən hər dəfə nazlananda 
Deyir ona oxşayıram 
O kimdir elə? deyin görək

-Tapdım,tapdım 
Mənim gülərüzlü xalam.

 

Dayı 

-Qardaş deyir ona anam 
-Qardaş deyir ona xalam 
O kimdir elə? deyin mənə

-Tapdım, tapdım 
Yer üzündə yoxdur tayı
Mənim yaraşıqlı dayım.

03.06.2022