Yəhərli tırtıl (Sibine stimulea)  Şimali Amerikanın şərqində yaşayan güvə növünün sürfəsidir. Meksikada da rast gəlinir. Növ şlak tırtılları, Limacodidae ailəsinə aiddir. Sürfə əsasən yaşıl rəngdədir, hər iki ucu qəhvəyi rəngdədir və mərkəzdə yəhərə bənzəyən ağ halqalı qəhvəyi nöqtə var. Hər iki ucunda bir cüt ətli buynuz var.

İlk günlər tamamilə yaşıl olurlar və günlər keçdikcə rəngləri qaralır və qəhvəyi olur. Onlar zəhəri bədənlərindəki kiçik tüklər vasitəsilə ötürürlər. Mütləq diqqət edilməli bir tırtıl növüdür.

Qəhvəyi bədəni, yaşıl kürəyi və bərabər məsafəli silsilələri ilə heyranedici görünüşə malikdir. Adını belindəki yəhər formalı qəhvəyi yerdən almışdır. Bu, zəhərli tırtılın bir növüdür, çünki bədənindəki qabarları zəhərlə örtülmüşdür.

Yəhər tırtılı özünü müdafiə etmək üçün yetkinlik yaşına çatana qədər uzun müddət bu yəhərlər vasitəsilə zəhərli toksin ifrazı daşıyır. 

Qabıq güvəsi ailəsinə aid olan bu güvə qidasını Çin qızılgüllərindən, xurma ağaclarından alır, boyu təxminən 2,5-3 sm-dir və kəpənəyə çevrilməzdən əvvəl yırtıcılardan qorumaq üçün maye kimi qıcıqlandırıcı zəhər ifraz edir.

Yəhər tırtılı kiçik iynələrinə toxunduqda dəridə qabıqlanma, şişlik və qaşınma əmələ gətirən zəhəri daşıyır. Bu tırtılı görəndə dərhal uzaqlaşmaq lazımdır.