Dekabrın 12-də Bakı Avropa Liseyində Ulu Öndər Heydər Əliyevin xatirəsinə həsr olunmuş tədbir keçirilib. 

Tədbir Dövlət Himninin səsləndirilməsi ilə başlayıb. 

Məktəblilər Heydər Əliyevin həyat yolu və dövlət quruculuğunda fəaliyyəti barədə tədbir iştirakçılarına  məlumat verib, Ümummilli Liderin əziz xatirəsinə həsr olunmuş çıxışlar təqdim ediblər.

Tədbirdə Ümummilli Liderin siyasi xəttini uğurla davam etdirən Prezident İlham Əliyevin qalib ölkənin lideri kimi dünyada tanındığı və onun rəhbərliyi ilə rəşadətli Azərbaycan Ordusunun göstərdiyi şücaət sayəsində ərazi bütövlüyümüzün bərpa olunması qürur hissi ilə vurğulanıb, şagirdlərdə ruh yüksəkliyi yaradıb.

Tədbirdə  ümummilli lider Heydər Əliyevin keçdiyi nümunəvi həyat yolu, Azərbaycan Respublikasının qurucusu, müasir Azərbaycan tarixinin yaradıcısı kimi gördüyü işlər və onun siyasi fəaliyyətini özündə əks etdirən qısa videoçarxlar nümayiş etdirilib.