Oktyabrın 26-da “Milyon” musiqi tədris mərkəzində vokal ixtisası üzrə təhsil alan Nərgiz Məmmədli ilk dəfə tamaşaçıların qarşısına çıxıb. 

Daha öncə Uşaq Bilik Portalının "Uşaq yaradıcılığı" rubrikasının qonağı olan Nərgiz Məmmədli növbəti uğuruna imza atıb. İlk solo konsertini verən 13 yaşlı Nərgiz 6 aydır ki, “Milyon” musiqi tədris məktəbində vokal dərsləri alır. 

Konsertdə Nərgiz Məmmədlinin müəllimi Rəşid Məhərrəmli açılışı edib, gənc ifaçını qonaqlara təqdim edib.

Nərgiz konsertdə bütün zamanların ən sevilən Avroviziya mahnılarını səsləndirib.

Gecənin fəxri qonağı tanınmış teleaparıcı Ranar Musayev olub.

Gül-çiçək dəstələri və alqışlarla qarşılanan Nərgiz Məmmədli bu konsertin ərsəyə gəlməsində əməyi olan hər kəsə təşəkkürünü bildirib, sonda qonaqlarla xatirə şəkilləri çəkdirib.